北海道花田遊 - 小樽

2013年7月25日


離開宏樂園又離開左KAMI佢地之後,
我地就正式可以係小樽玩喇~~
今晚訂左係小樽運河旁邊既SONIA

佢就算係運河旁既房都唔貴架~幾百蚊一晚真係好抵呀~

又近運河, 雖然唔算太近地鐡站, 但都唔係遠~

佢有分一期同2期既, 2期當然就係新D喇, 訂左2期喇當然

去酒店放低野就開始去行喇~

呢個時候開始有毛毛雨, 但對我地唻講冇咩所以冇拎摭

一落唻就係運河, 去小樽一定要影既名勝,

(不過KAMI話佢地影完第一pair覺得冇咩好影, 所以冇影)

我都好認同kami既講法既, 運河, 好長 不過一眼睇哂, 唔算係好靚……影左2張相我都收左手

影左一陣相, 竟然落大雨, 我地避左入去運河旁邊果個旅遊中心

好彩, 好快就落完

我地驚佢再落, 所以去左運河食堂避雨……

入到去又未想食野, 所以睇下有咩食, 聽日可以過唻食

估唔到, 呢到仲有間手信店……唔算大, 但都幾好行架~

出返唻終於停左雨, 我地可以合照喇同運河~

旅客都可以互相幫忙架~~~ =]

天, 仲開始放晴tim~ 真係太好喇~~ haha

餓餓地, 俊仔又見到運河對面有間睇個樣都好似好好食既鋪

去對面睇下人地食咩, 就走左入去喇

店舖細細間, 只可以放8個人左右, 老闆好好人架~

我地一坐低就毛巾冰水, 仲笑笑口咁比menu我地~ 好nice~

我地問佢最受歡迎係邊個, 佢就指左個no 1 比我地睇

睇個樣就知正喇, 蟹腳海膽, 中哂我地鐘意食既野

你睇下, 見到都想食呀~~~~~~~~
老闆仲主動幫我地影相tim呀~~~~~~ so nice~

我地入左唻坐低左之後就有一班人入左唻

佢地開始係到研究個menu~ 又同老闆傾下計

之後佢地係到研究緊個地圖, 想知點去音樂盒鋪

佢地問我我就答佢喇, 之後就開始傾談一番

我真係好鐘意周圍同人吹水 XD

佢地係泰國唻北海道玩架, 成個family

佢地有一個人仲話住過香港tim, 同我地講廣東話, 幾親切

香港都真係幾出名~~~

我地食完都開始沿住運河後面行

其實我都唔知好出名果間音樂盒係邊~

唔緊要, 我都唔會買, 周圍行下都ok~ 反正呢到周圍都係音樂盒架,  本身都有野算買返一個, 但係…又真係唔知買唻做咩haha

我最開心係竟然比我見到我既最愛薯條3兄弟

原來係北海道野, 係呢到買平過東京機場好很多呀, 痴線

機場買1300 yen, 呢到800yen一盒, 頂!!

呢到仲多左佢地既飾物買tim~

呢間手信店我真係不能自拔, 買呀買呀買呀

行到攰攰地, 經過一間cake shop

個sales 姐姐好出力咁叫, 仲有得試食tim~

入去睇下先, 試完好想買一個返香港呀

真係好好食呀~~~~~但可惜佢只可以放8小時

我地仲有4日行程

冇法, 放棄拎走, 見到有餐廳架wor

上去食喇~~

叫左個tea cake set for 2, 有3件蛋糕同2杯野飲~ 個cheesecake真係好好好食呀~~

食完再周圍行下,

小樽除左音樂盒出名, 玻璃製品都好出名架

你睇下呢d小企鵝幾得意

行下行下, 仲行到左六花亭

去睇下有冇其他野買, 佢有其他product

但我都係鐘情於白朱古力士多啤梨~

呢個音樂盒真係好想買……但真係太貴喇

當時對10呀~ hk300 唔捨得買

如果對7你話幾好呢, 我一定買左喇

係出面見到個好可愛既小朋友~!!!!

俊仔都係唔放過任何一個可以係北海道飲牛奶既機會
咁又真係好飲好多既..............haha

好重, 返酒店放低野, 休息下......先,. 酒店近你話幾好呢

北海道花田遊 - 小樽宏樂園

2013年7月24日

2個小時既車程就去到札幌喇, 再轉巴士落小樽先~

今晚就係去呢個trip既重頭戲, 溫泉酒店
因為我地想一天溫泉酒店, 咁岩又比我搵到間市區溫泉酒店!
太好喇!!!!!!!!!! 本身想去登別果d~~~ 但係超級唔就腳架
因為要再搭2個幾鐘車先去到...........只係溫泉太唔抵喇
好彩比我搵到小樽呢間! 仲介紹左比kami佢地, 同我地一齊去tim~

去到都天黑lu~ 果時7點喇~要開始晚餐喇
房同餐我都係係宏樂園個官網訂架~ 而且佢有英文!!
仲有英文email confirm, 唔係好多日本網做到~

我訂左日式露天私風呂~ + 刺身晚餐~~~~
一入到去已經覺得間房好靚呀!!!!!!!!!!!!!!!

呢個就係我地既私人風呂喇~~~ 好似幾淺, 但其實都少少深~可以坐係到
果日十幾度, 因為果到係露天, 十幾度非常ok~ 但如果幾度就真係十分high high

係我地欣賞緊我地間房既時候, 有個嬸嬸拎d晚餐入唻喇

先係頭盤, 一人一盤既刺身~~~wow~ 個吞拿魚勁好食
uni 勁甜..........仲有..........好大隻既丹蝦.............
好懷念呀.............>_<

呢個茶碗...........麻麻地

主菜上場.............燒和牛!!!!!!!!!!!你唔好睇佢細細份
真係入口溶係口既感覺!!!!!!!!!!好爽!!!!!!!!

好多野食呀~ 全部細細份, 但食完飽到上心口~~~~~~~

鮑魚呀~~~~~~~~~ 好好食既烤鮑魚呀~~

燒蟹腳........yumyum!好鮮甜又唔會干

水蛇春咁長既菜單~~~~~all in japanese~

到最後, 嬸嬸入唻送上雪芭..........
係lime 雪芭, 其實真係好好食架~ 但太飽喇, 食唔哂呀~
佢個米紙仲要勁好食~ haha

食完呢餐我已經覺得3000幾係比得好值!

食飽之後就去溫泉玩下~~~~~~~雖然唔係好靚~
不過都係一個小體驗唻既~

我地返到房, 已經有人幫我地鋪好床喇~~~~
唔薄架, 好舒服架~ 浸完訓仲舒服!!!
我地當然冇side左自己個私人風呂喇
又再浸喇喂~~~~~~~~ 2個一齊浸真係好好呀~
平時都唔得既~

太舒服喇~ 訓覺好架喇~~~

因為真係比左好貴, 我地唔可以side左個風呂,
我地比平日早左起身, 7點幾就起身左, 先去食早餐

早餐都算豐富!!!! 仲有沙律同yogut~~

個燒三交魚超好食!!!!!!!!!!!!!!!!!!!!!!

仲係附近行左一陣~

呢2個其實係噚日姐姐比我地既夜宵.........
我地變左早餐~~~~ haha 好食~

再浸多次風呂, 影下相就要check out lu~ 好唔捨得呢到呀!!!!!!!!!!!

要搭返巴士去小樽車站喇~~~~~~~~~~~