摸蜆初體驗

2013年9月28日

 

上星期話今個星期要返唻摸蜆, 唔係講下ga~

雖然我地好遲先confirm D 野, 搞到book 唔到水口村

不過唔緊要, 因為塘福同水口都幾近架~

 

拎完房出左去樓下個塘福海灘睇下

因為租屋果個人話都有得摸架,

但就現場就唔多見有人換~ 而且d 沙鬼咁dirty~

 

我地入到去塘福拎左房先~ 之後就搭巴士去水口村

水口村得一個地方可以租工具ja~ 就係鳳凰士多

而且老闆真係好人到不得之了~ 又風趣~

 

本身租果d 工具係要錢架~ 不過可能我地太遲過去

明明我打電話過唻問過佢話3點幾會退架ma~

但我自己係天文台睇過就話12-1點退

唉~ 點知我地去到, 陳老闆話我地太遲喇

依家開始漲喇咁話~ 仲叫我地快d落去tim.....

所以工具錢都唔洗喇~~~ hahahaha

 

係士多行落去都要10分鐘架~

落到去好多人~ 已經係好多人係到摸緊喇~ 

 

而且仲睇到係已經係漲左好多...........

唔理喇, 一場唻到點都要摸下既~

因為我地唔知咁漲, 冇準備到可以落水既衫

我地女子組就海邊摸

男子組就去海中摸~ 之後佢地摸摸下仲愈行愈出

個海又水漲, 只係見到佢地個頭~~~ wahahaha

我地摸呀摸, 一時佢退一陣, 我地又出d,

一時佢漲我地又要走, 真係好搞笑~

 

可能真係唔係當做既時節, d 蜆都好細隻呀~

我地又遲過去, 4個人可以摸到1/4 已經好好架喇~

 

雖然真係唔多, 不過真係好好玩呀~

如果可以落海我估仲好玩lor~ 下次一定要著落水衫唻

原來蜆唔係用工具出唻,  係真係要用手摸出唻

先用工具整鬆d泥,, 之後就要摸下d泥~~

我仲摸摸下捉左隻蝦tim 呀~ 好搞笑 XD (當然有放生喇)

 

由3點幾4點, 一路玩到6點幾天黑先捨得走~
拎住我地既收獲去返鳳凰士多叫佢地煮
40加工費~ 雖然真係好細隻, 但係自己努力摸返唻既, 點到好食D 架喇

 

 

由於唔想燒野食, 所以返塘福食晚餐

等左一陣巴士, 有人就話都唔係好遠者, 行返去喇

haha~ 我有咩所謂者, 我最鐘意行路~

點知有人行行下後悔~ wahaha

 

夜行山路, 仲有好多牛牛係路邊相伴, 有咩好怕wor~

風箏愛情

人們常道, 談愛情如放風箏一樣
時而收, 男人某程序上喜歡女人的看管(女人一樣)
時而放, 有時候要放男人出去看看這個世界, 才懂珍惜你,
你們才可以飛得更遠
但只要你一放手, 它就會飛走, 一去不復返
當你後悔想在某山頭尋回至寶時
它可能已經被人經過撿走了
可能他看見它被人棄置山邊可憐它
可能他看見它破掉了想修好它,
但在過程中, 他對風箏起了感情變化
從此據為己有.............
你不可以怪誰, 因為當初是你自己選擇放手
當你知道它被某人撿走了
你是憤怒? 是不甘心? 還是痛心?
是被以上的一切朦掉了眼睛, 看不清楚自己的心
不知道是不甘心還是真心痛恨自己為什麼放開它
冷靜下來想清楚過後, 答案可能不一樣

捉緊了對的就不要放手

2013中秋

2013年9月20日至22日

今個中秋真係一個long weekend

星期4中秋正日例牌可以放早

星期5放公罛假~ 之後星期6, 日~ haha 真係好開心~

呢幾日都話得幾充實架~

星期4公司食飯, 食完就散~ 去左俊仔屋企等佢放工

之後一齊出發去美孚食佢屋企中秋飯~

食完飯, 當然要去慶下中秋, 

聽聞今年維園個"唔"環保月亮幾靚~ 咪去睇下lor~

果然, 再加上d 燈光效果, 

最最最重要係果個倒影, 真係冇左佢就冇左個月亮一樣~

星期5, 約左爸爸呀yan佢地去摸蜆, 好神心架

約左3點係東涌等, 打算4點幾入到去應該就岩岩好
點知........................我地只係等巴士都等左一個鐘~
早知搭船轉的士都冇咁耐

好喇, 終於都上左車,
由於我係暈車浪人仕, 所以睇落車就打算靠佢地
點知, 勁好笑, 呢到話未到, 果到話應該唔係
之後我地跟車去到總站 ----------- 大澳~!!!!!!!!!!!!!!!

真係勁好笑, 大家都好無奈, 因為話唔知點解冇人落車果到
唔緊要喇~ 當又入唻食下野lor~ 幾樂觀?!

雖然我地入到去, 其實都5點幾, 

好多野都已經收左, 但大魚蛋呀~燒魚子都仲有得食~

由於我insist 想去燒野食~ (本身係摸完蜆跟手燒野食)

所以都打算去返水口村~ 唔摸蜆都燒~ 佢地真係好鍚我~ hoho

係大澳出返東涌果條隊又要再排一個鐘~

好彩我地係去貝澳果邊~ 

大澳的夕陽

終於都去到水口村, 真係又愈過山又愈過谷

呢到話複雜又唔係, 其實只係因為巴士司機唔多合作

明明話左比佢聽, 都唔鐘意提人落車

去到水口, 終於開始燒野食, 完成左我個幾月既心願~ yeah~~!!

好心有心報系列: 佢地買左d 棉花糖返唻, 一大包

我見反正都唔會食得哂, 拎d比隔離台喇, 雖然佢得2個人

之後燒燒下, 見到佢地係到燒大蜆, 

佢地係買架~ 想出去買但係又賣哂

係我地好失望既時候, 佢地竟然比左4隻我地

真係好感動呀~ 好好味tim呀~ 所以我一直都相信好人有好報lor~

由於係咁, 佢地決定下個星期再唻過, 

今次我搞, 應該唔會有事喇~

btw~ 題外話, 今個中秋收到張好鐘意既禮物~

北海道prewedding 相, 呢一張真係好鐘意

就係因為呢一張, 搞到我幾期待其他呀~ haha

ps : 呢到係青池, 真係用左好多人力物力同財力先去到既地方

本身去到真係只係一個池, 有藍色既水咁大把

本人覺得唔係幾特別~ 但估唔到出到唻又有呢d 特別效果~ 好開心呀~

我們的八週年

嘩, 日子真係過得好快,

話咁快就8週年, 我仲好記得佢告白果個畫面

一轉眼就8週年喇~~~~~~~ 唉~ 人生真係好快過呀~

 

週年紀念呢D野, 只需要簡簡單單咁過就OK~

2個人一齊, 去邊都咁開心架喇~ haha

 

不過俊仔都會kepp 住佢個懶神秘,

唔話我知去邊到食飯~

 

佢仲送左8週年禮物比我tim~ 我就咩都冇預備tim

本身佢係打算送我鐘意果隻厄比我, 但無奈佢話會太大隻

 

放左工就出尖沙咀join俊仔,
佢就神神秘秘咁同我入左半島,
我以為食buffet~, 但原來係食瑞士野~~

個環境好好呀~ 有好去左外國既feel~
而且好多外國人包圍住你

先唻一個麵包盤, 凍既, 不過最上面果個圓圓的好好食~

而且係佢個牛油好食~ hahahaha XD

呢個crab pancake 係openrice見人推介既~ 真係非常之唔錯~

佢啖啖既蟹肉, 再加上果個lobster source, 真係想一食再食~

意外地上面竟然有一小塊既黑松露, 令成件事更加完美~~

佢d菜上得好慢架(其實我地食得好快就真, 一上就食鬼哂)

所以有時間自拍下先~

 

仲叫左個我好鐘意既onion mushroom soup~ 超好飲~

飲得出佢係我即叫, 佢即煮, d mushroom 都好新鮮,

完全冇草味架~ good~

當然要叫佢地既主打 -- 芝士火鍋喇~~~ 佢同出面果d 最唔同既地方係

佢加左酒~ 而且係好濃既酒味~

一開始既時候我就唔係幾鐘意, 因為太濃,

不過煲煲下就會冇左酒味架喇~

佢個cheese 真係rich都爆~ 我點完拎起凍一陣就會乾左~ 好正~ haha

有一籃麵包

同薯仔, d 薯仔唔係平時我地食果d,
唔知係咩種呢? 好好食架~~~XD

呢個羊架, 不得了~ 真係好味到不得了~ 好味到我都唔識用字去形容

佢一d都唔"穌"之外, 仲好lum好入味~ 真係唔係講笑, 羊有羊味XD

 

我見到人地D 梳孚理 好似幾好食, 我想叫
但俊仔好似面有難色~ 唔太想我叫, 我都奇架喇
但食完哂野, 佢去咪toilet打算走喇
佢就話叫左甜品喇~ hohohoho~ (我仲以為佢叫左梳孚理tim)

點知過左一陣, staff就送左個蛋糕上唻
仲有happy 8th anniversery tim~~~ hehe~
雖然就唔係話好surprice, 但我知你已經好努力架喇~ hahaha多謝baby~

 

好大個既tirumisu, 食唔哂要打包喇~ 可惜我唔食朱古力, 因為佢話朱古力蛋糕細個d~~ haha

之後搵左個靜靜地冇人既地方影相.....wahahaha~ 任影~ 好開心~

 

8年間, 我地冇大風大浪, 好平靜既日復日
但我唔覺得悶, 只覺得平淡是福
雖然你唔係一個浪漫既人, 你唔太識做驚喜
但你就比到一個人地比唔到既安全感我~
而到左呢一刻, 8年了, 我都係感覺你對我既愛冇少到~
這樣就足夠~~~~~~~~~~~ 我很易滿足的~~~~ love u~~

北海道花田遊 - 札幌 白之戀人公園

2013年7月21日

上回講到我地到左札幌, 食咪個拉麵都4點幾喇
要喇喇聲行喇, 因為我想去果個白痴戀人公園關6點
係札幌要轉私營地鐡先去到宮之沢站, 白之戀人公園
由札幌去大約都要20-30分鐘架

由於白之戀人公園係一個非常出名既地點
所以一出地鐡, 就已經有哂指示要點行
出左去大約左15-20分鐘先到架~ 不過唔曬天氣又好~ 所以好舒服
離遠已經見到喇~~~ hehe

佢係唔洗入場費既, 雖然佢就唔係好大
不過我一入到去就勁鐘意喇, 因為佢個設計好童話好fancy
我好似去左童話國入面果個castle 公園咁呀~~
我好開心咁勁影相~~~~

係咪好有歐陸feel呢? 我就係鐘意呢d feel喇~
所以真係好想去歐洲呀>_<

白之戀人大鐘, 佢既signiture呀~~ 好多postcard都有佢架~

入到入面main building, 其實有一層係博物館同工場要比錢入既
但因為我地去到已經5點喇~ 已經關左~ 想入都冇~ 唔緊要喇~
聽聞都冇咩野睇~

呢條梯幾靚呀~ 不過都係鐘意titanic果條多d....wahahaha

candy bar~ 有好多sticky~ 得個睇字lor~ 點會買~

終於都到左shopping既時間
因為我地唻之前未行過任何既手信店
所以都買得幾多~ 不過目標唔係白之戀人朱古力 (講真香港都有, 佢又唔係平好多)
目標係白之戀人朱古力奶~ 真係好好飲, 好飲到要一飲再飲~
(不過我之後出手信店都見到有d地方有得買~不過就唔係到到有)
我地2個人買左2pack~ 算少架喇~ 因為第一日唔想拎咁多野ja~

仲買左d香港冇既朱古力 (有人返唻食完之後, 好後悔唔買多幾盒)

傳說中既cake shop~ 但點解冇之前係網上面見到果d既?
ok~ 都試一下喇, 個結果係唔好食~~~~~~~

係呢到令我最難忘既唔係咩朱古力,
竟然係佢個軟雪糕, 北海道我食得最多既係雪糕
佢地d牛奶白朱古力軟雪糕真係令人地一試就冇不愛上的理由
好滑, 好rich, 好好味~

一個鐘左右就要走喇, 因為佢關門喇
仲有人唱歌歡送你tim~ haha

其實我個背景係好多bubble好靚架,
可惜我部機影唔到

雖然就唔係近, 不過我覺得呢到都係幾值得唻既
我就當為左佢杯雪糕~~~~ hohohoho

最後的歸宿?

轉唻轉去, 最後都係轉唻呢到??
我都唔知呢到會唔會係最後的歸宿
但我用過wordpress 覺得好煩, 一d都唔好用
只可以當backup lor~
依家up緊d相.............原來有4000幾張.....=_=
3g 幾, 唔知up到幾時........
唉~ 搬blog真係好麻煩既一件事~

終於都UP完, 搞呢搞路, 搬個blog 搬左一日=_=
本身整左一次, 點知比點了, 小左一個s, 搞到全部圖冇哂
又要再整一次

但anyway~ 總算都叫做完左............
我估我都會係呢到打架喇,
一唻好多blog友搬左過唻呢到
2唻呢到打blog好似方便過wordpress好多.....