2013年8月25日
噚日去左試妝, 一take過ok~ 唔洗比試妝費之餘又可以煩少樣野
真係開心喇~~ hehehehe
我之前都做左唔少功課架, 搵左好多間profolio唻睇
好多都唔係好岩我~
因為我覺得自己個樣唔係差, 妝反而唔係太重視
要重視係髮型, 我睇完anna creation 佢地個blog,
再加上有好多B2B都大讚佢地又化得好, 服務仲好~
睇完佢地d profo 就去試喇~~
(其實都拖左好耐喇, 唔想太早, 我估早一年差唔多
點知都係有人早過我)
我本身係想book yvonne 既~ 但佢比人book左我big day 果日
佢就suggest 佢partner - Jenga 比我, 咁我都覺我ok 就試喇
果日上到佢地個studio 已經比人感覺好舒服
可能因為感覺幾大同幾乾淨, 第一個感覺真係好重要~
佢之前都有同我講過會試3個妝, 大約要2個小時~
第一個係掛妝, 佢有少少跟當日既妝去, 比我睇下點樣轉妝, 幾好呀~我覺得~
佢化妝手藝都幾好~ 都好仔細, 我同左佢講唔要太濃,
佢都做到我想要既野, 而且佢好肯同個客溝通
仲比好多意見我, 我覺得同佢合作會好舒服好放心呀~
化完妝就開始set 頭喇~ 因為有之前2次pre wedding 既經驗
我已經大約知道有咩岩自己, 有咩唔岩
佢真係好肯溝通, 問左我好多意見~ 我又比左d prewedding 相佢睇下
睇下有咩岩我~
佢幫我整呢個頭我已經好鐘意喇~
由於我只係睇到前面, 睇唔到後面, 之後睇相先知
原來後面係咁靚架lor~~~
我亦都有要求前面要有d野睇,
所以佢加左邊已經唔同左, 再唻一個佢地自己整既新潮頭, 超靚~ 嘩哈哈
其實我係鐘意佢上面果個啷啷, 玩得好開心~~~ wahahahaha
掛妝因為係日頭會simple 一d , 好呀~ 我鐘意,
simple is the best~
但之後晚妝就會加重少少~! 佢好勁~ 就算佢加重左
我都唔會話有太濃妝既感覺
thats why 我一take 揀佢lor~~~
佢鐘意係佢後面就算明知會有頭紗掩住睇唔到, 都整到靚靚地~
Jenga 話呢個係柯德利夏平頭, 好岩行教堂march in~
我覺得都ok elegent, ok 襯我, 不過俊仔睇完話唔要,
因為會高過佢wor =_=
但我自己就覺得如果加咪紗會好靚lor~ anyway~
加重左對眼, 佢地可能會覺得太濃,
我又覺得我都仲carry 到wor, 未至於會變左樣~
不過女仔化左妝真係會靚架lor~ 個個都會唔同左架喇~
呢個角度係Jenga 影, 幾好wor又~!
最後試一個敬酒妝
因為試左2個盤頭, 試返個放落唻架喇
我自己覺得放落唻sweet d, 岩我多d
玫瑰頭係呢幾年新興既, 好多人都好鐘意
當然我都唔例外, 我本身係鐘意玫瑰既所以好想試下自己ca 唔carry到
我一d都唔怕誇架, 我ok~
試完我都覺得自己都carry到, 而且仲好靚tim呀~~~
不過佢就suggest我要再染淺色d個頭,
我會, 我一定會~~~~~~~
如果唔係玫瑰pattern就唔出架喇~
佢地d頭飾都幾靚架wor~
近睇玫瑰, 依家就會鬆少少,
到當日就會落好多gel, 唔會咁鬆架喇~~~~~~~~
佢講左不下5次, 嘩, 你真係好多頭髮, 不過係好事唻既
hahahaha~ 我知架喇~
估唔到一take就ok~ 太好喇,............
又confirm多一樣野~
又要去搵big day 攝影喇~~~~~~~~~
