北海道花田遊 - 小樽, 函館

2013年7月26日


小樽係一個冇咩境點既地方, 所以噚日行左運河
今朝一早去咪三角市場就OK左D境點喇


一早就知三角市場只係一個十分十分細既市場
原來只係得一條巷子咁長
三角市場係正JR站對面, 好易搵

呢D係咩魚? 好噁心,叫八角~ 好唔好食架呢?



就係咁長喇, 一眼睇哂~ 想買手信, 但竟然冇手信買!
者係果D咩干同咩干, 係冇架原來

仲有好多食刺身既地方.........不過我地冇食呀~ 因為好似食太多

好快就行完三角市場, 想食早餐....正確係午餐
最後都係返返去運河飯堂搵食~
因為噚日見過幾間餐廳好似好OK~


睇完幾間之後, 我地揀左間拉麵店坐.....

俊仔食呢個蟹拉麵好勁呀~ 真係有成隻蟹腳.....
個湯底都勁鮮.......不過都成Y2500 架~ 唔平呀~
但俊仔話一場唻到要食好D.....

我就食返我最鐘意既鹽牛油, 真係好鐘意食! 而且呢間真係都幾好食~ hehe

食完返酒店拎野就出發去札幌轉車去函館喇喂~~~!!!!!!!!!
3小時既車程! 訓下食下好快就到喇

終於到左函館喇......................

話說, 呢個北海道之旅我地日日都要轉酒店
我book果時都幾順利, 唯獨是函館呢一天,
市區冇哂酒店! 我o左咀, 其他日子有, 只係我book呢一日冇
我就定好哂d野, 唔可以轉日子,
我睇返原來函館果日有個咩咩演唱會, 搞到北海道全部人都唻呢到


為免自己冇地方住, 我book左一個比較遠既一間民宿
可以去到先比果d, 但真係幾遠, 諗起都唔想行
同俊仔講完, 佢一出jr就見到一間酒店, 佢話: 不過問下呢間有冇房?
點知又真係有wor, 而且仲要唔係好貴ja, y16000左右! ok喇~太開心~

函館JR 地標, 父子!

放低D野係酒店休息下都已經6點幾喇~
要出發上函館山喇, 去函館山有2個辨法
不過最快都應該係巴士直上~

日本既車, 係唔會遲到架, 準時上左巴士.....
但係.................愈上...愈唔對路.........

愈上愈大朦, 咩事?! 係大朦到咩都睇唔到
我已經冇哂希望喇! 我係特登唻呢到架, 點解要咁對我!!!!!!!
呢個世界3大夜境之一既函館山, 我就只可以到此一遊喇........

出面冇野睇, 就行下手信店喇!~~

之前買左個三文治未食完, 打算上唻對住個夜境食,
點知依家我地係要面對面食, 因為太大朦,
我眼中只有他, 他眼中只有我 XD

食完行完, 我地就走喇, 都冇野睇, 唔走係到做咩?
決定搭車落山

好彩有搭, 係臨完果5分鐘, 終於可以欣賞到函館既夜境喇
係靚, 同香港既靚又唔一樣! 我覺得同六本目差唔多~

搭返巴士去市中心~ 經過一間餐廳, 俊仔比佢既外觀吸引

好似又幾好食wor...................日式洋食

叫左呢個3款唔同既啤酒, 有d麥味重d, 有d啖d

叫左個2味意粉, 佢大份到我地o左咀..........真係冇諗過咁大份
點會食得哂, 唔係我地想哂野, 真係唔想架

和風燒牛肉, 好食~~ 仲叫左個海鮮併盤..........幾大份!!!
不過個yau 魚真係勁好食, 唔un又彈牙, 正!!!!

食完真係飽到上心口呀.........都食唔哂呀!!!!!!!!