東京2012 - DAY 4 六本木 ONE PIECE 十五週年展

我真係有一種對唔住大家既感覺, 我由呢個EVENT 未出,
到我去完, 個EVENT 完咪, 仲要過左半年我先寫...........想知既人都已經灰飛煙滅咁!!!!

2012 年5月xx 日

話說, 我地今次唻日本既目的並唔係呢個one piece 展 (根本沒有目的)

只係決定左去旅行, 機票酒店都settle 哂之後, 就比我發現呢個..........
俊仔立即由唔係十分期待到萬分期待喇

one piece 15週年展, 係尾田老師既小回顧
雖然我睇左one piece 冇15年, 我係因為俊仔既關係開始睇
之後就停唔到喇, 我都鐘意左喇~ hehehe
俊仔就係超級fans , 所以佢一定要去咁話~~~

本身個event 係可以上網book 飛, 但佢只accept 日本credit card
又因為佢每一日都有十場咁多, 都唔驚冇飛買~~ 我地去果日又係平日~~

但為左安全起見, 我地都早2日去7仔買~
不過佢果d 買飛機, 只係有日文, 真係完全唔識睇呀...........
好彩, 我地去果間7仔有識中文既staff, 好彩ja, 我地都唔知做咩!!!

上回講到我地由麻布十番一直行過唻六本木,
其實一d 都唔辛苦, 日本d 街同天氣真係好舒服~~~

你見到呢d 咁搞笑既design 同超大間既LV 就岩喇~~~

行到入六本木hills, 就周圍都見到one piece 張海報喇~ yoho~

因為我地買左飛, 而且佢係有時間分段, 所以要等等喇~
呢個人興奮中.........

係場外都有呢個咁可愛既佈置呀~
係尾田老師為今次呢個展覽畫架~~~

由於場內係嚴禁拍攝, 所以以下相片係某地偷返唻(有怪莫怪)

我地排隊入場, 係排隊既時候佢會有好多通緝令係wall 上面,
都好update 架, 死左果d 就dead~ 仲好多新人物....

我地先會經過以下呢個大銀幕, 都幾震撼, 幾好睇~
大約講返佢地2年既約定既野, 仲有講艾c 既死~
其實佢既主題係圍繞海軍總部之戰~

睇完正式入會場, 就見到漢, 被石化 XD

之後就會係海軍總部之戰既回顧.........(當然係日文喇)

再行入去, 見到一比一既艾C呀~~~~ 佢做得好DETAILS 架
我真係好DETAILS 咁睇架, 佢都幾靚仔wor XD 而且好高架!!!

再唻海軍總部之戰

重點唻喇, 尾田老師既手稿真跡呀~~~~~~~~~~~~~~~~
我地好落力去睇呀, 我地都知, 果D 唔係全部都係尾田老師畫,
不過D 鉛筆既就一定係喇, 我地好留心睇D 鉛筆
發現佢起既草稿都幾草................hahahaha

一直都係手稿, 不過開始進入魚人島喇~~

呢個srceen 好搞笑架, 係可以互動架, 用手去搞d 泡泡會左右上下咁move lor~ hahaha 有夠無聊!!!

去到中間, 呢個係尾田老師既工作台, 上而有小小真跡,
仲有好多本故事大岡, 雖然唔識睇, 但好想開唻睇 (hahahaha 明顯入面唔會有野)
仲有好多佢用開既畫筆..........原來係有好多好多色

去到呢個位, 大家都有少少不能自拔, 真係好想影相..................
但一比一(?)既成員大合照呀, 如果真係一比一既話, 布諾黑真係好高
喬巴都唔係想像中咁細隻~~~ 比例上, 各人多數都高我一個頭~~~


出過既漫畫

最後既手信區, 仲唔係失手大本營.......hahahaha
雖然好多野都想買, 不過有d 真係太貴, 唔捨得(我話俊仔ja)
我自己幫人買野ja ~~


出場, 佢仲每人送一張生命卡tim, (當然唔係真架喇)
我有卓蘿呀~ 我最愛既角色呀~ 好開心~ 俊仔有娜美~

超開心既經驗, 雖然佢比我想像中少好多野睇
不過都真係十分難得可以睇到呢個event~ hehe~

真係sorry~ 呢個event 已經完左十世, 唔知佢二十週年仲有冇呢? 你地等下喇~~~~~~~ hohoho(奸笑中)

擇日

由於老人家要擇日, 又而且我想今個月落左酒席訂,
因此今個星期6就去左擇日
之前上網睇過, 黃大仙有得擇,
仲有一個師傅都幾出名,
(其實我覺得出名係因為多人講, 有一就有2....愈來愈多)

果日俊仔要返工, 等佢放左工就一出旺角食野
再一齊殺入黃大仙
十年都唔去一次黃大仙, 我真係唔知幾多年冇唻過呢到

行入去好多大陸人, 好多遊客..........好多好多人

再行入少少, 就見到解簽區, 我估係呢到喇~
一行入去, 好多招魂手...."過唻呀, 呢邊呀..." 都幾得人驚....haha

好快就見到係網上面好多人話好既蘇東明喇~
佢有咩好我唔知架, 我又唔識計呢d紫微斗數~ haha 咩叫人云亦云咪呢d.....
我見咁多間, 得佢一間係要排隊ja~

你睇其他都幾冷清清........

有人等到花兒也謝了~
我地一唔排, 都有人排係我地後面
我仲聽到有個女仔講, 呢到多人排, 就試呢間(香港人心態)

因為排我地前面果個係睇手掌, 所以就耐d lor~
不過其實我地都唔係排左好耐, 半個鐘多d喇~

入到去同師傅講擇日佢就會寫低你d資料,
男女雙方既出生日期
雙方家長既出生日期
最好就比舊曆佢, 大家都好辦事, 佢又唔洗睇返(其實應該都係搵返萬年曆)
之後比$, 多謝$ 680, 個人就覺得幾貴~ 不過呢d 我地唔識~ 唔係點
成個過程仲快過我等既半個鐘~~~~~ 10分鐘就搞掂!!!

本身師傅話星期日先可以比到日子我
點知, 果晚10點幾我就收到佢電話
我都好驚嚇, 仲問佢"做咩咁夜都唔收工呀?"
佢話"收左喇, 不過係屋企做野之ma"
我真係不忘同佢講辛苦哂~

我要求2014年年尾, 仲要星期6/日,
師傅話日子唔多, 只有4個,
有2個仲要9am 前出門tim~ 當然唔好喇~
好彩, 有個9月比我者~~~ 好開心有9月呀~ hehe
因為9月係我地既紀念月ma~~~

星期日去落左酒席既就可以confirm 喇~~
2014年9月27日  MY BIG DAY~~~~~~~~

雖然就好似冇咩特別咁, 不過唔係特別日子仲好
D野易BOOK 好多架~ wahahahaha

東京2012 - DAY 4 麻布十番街

我發現D人係鐘意睇東京比較多, 香港人都係鐘意去東京shopping 架喇......
我決定打完東京先再打大阪喇, 講說我東京仲有成8-9篇未打, 其實我係咪真係太仔細呢? haha

2012年5月xx日

去完自由之丘, 又搭多幾個站就可以去到麻布十番, 幾方便
佢唔係一個旅遊熱點, 不過我就係貪佢唔係熱點, 正!
話你知, 其實呢到好多日本手信買, 者係傳統果隻~

麻布十番有一條麻布十番街, 都唔算係好長
有官網, 都幾出名
http://www.azabujuban.or.jp/

出左地鐡站, 一直行就係架喇
我冇講點解我會行呢到tim, 我唔係冇野搵野唻行架
因為麻布十番街, 一直行係可以通到去我地下一個目的地  -- 六本木

地圖如下 - 4番出口出左, 一直行就係六本木

呢個就係4番出口

出到唻, 比我第一個感覺係 -- 好古典, 
佢真係冇左日本果個時代感架, 有少少返返去以前既感覺! hah
個feel 好正呀~  

間間建築物都好似好有歷史咁, 唔~ 我冇唻錯!!!

街頭都有好多野食架, 而且好多都係好地道好傳統架tim~
eg, 紅豆餅, 紅豆湯, 串燒......etc
可惜我地係sweet forest 真係食到好飽喇

我仲記得呢間係賣跪餅架, 者係好多唔同味道, 唔同顏色果d呢
不過因為唔太抵, 都有少少貴! 冇買到, 但係一樣試左一d , 都幾好食wor~~~

oh~ elmo~ 

紅豆餅呀, 依家睇返都有少少後悔冇食到!
講哂呢到呢d真係幾十年歷史, 真係食陣風...味都夠喇~ haha

我地係呢間真係買到傻左! hahahah~ 呢個好似好食wor~
唔知大家知唔知sogo 地下super咪有一間係賣唔同味道既豆豆既
我每次行過都會食一兩粒, 但因為太貴, 冇買
呢到, ok 平wor, 而且又多味道仲多款式, 買左勁多做手信呀~ hehehe
我真係唔知係咪同一間wor..........

下回繼續..........

睇場 - 御苑皇宴 (尖東)

又唻一個超級大project~ 搵酒席
我其實未打算結婚前已經有心水,
我唔鐘意太土, 新鮮少少, 西式少少, 酒店太貴.....
想要海境(不是我要求), 我唔要有柱位
想要係旺區, 者係旺角尖咀銅鑼灣..etc, 方便嘉賓
最好就個台好大, 幾靚, 我可以慳返d decoration 錢~

要求好似幾高咁..........

話說, 我從來都冇去睇過場~
靠既只係佢地官方相, 各位jm 既相同評語去揀
不過睇官方相都吸引唔到我既, 就算喇
你要知道, 果日你係影相多, 之後幾十年都係睇相睇返你自己擺酒既地方
所以睇相既效果好重要
最後我揀淨呢間!!!!!!!!!!!!!
係一間!!!!!!! 冇錯!
我本身係鐘意灣仔名爵, 以前公司成日去飲茶覺得幾好
好彩集團, 價錢公道, 樓底高, 好靚既水晶燈, 好歐陸既設計, 係我口味
直到我遇到佢.............................

我可以用一見鐘情唻形容我對佢既感覺架~
睇官方相已經好好好鐘意~ 睇完comment 好多正面~ 信心大增~
決定去睇睇場~ 冇book 架~ 我地2個同auntie 殺落去飲茶~

serve 我地既係大家都讚好既, 勞小姐 Marcy
佢真係好好人, 好好傾~ 比人感覺好信得過呀~

門口位置, 一年會裝修一次佢話~ 不過其實呢個都好靚~
我想要返呢個..............2014年已經唔知係咩樣.....



點心都幾好食既, 最緊要係, 我地果日試左佢d service 真係好好
雖然我唔知到時係咪果d 服務生, 不過都應該差不多




講小小背景資料先
佢係尖東帝國中心, 分2個廳, 一個係半島廳, 一個係維港廳
你睇個名都知, 維港廳係有維港景, 不過唔係中環灣仔,
應該係惻魚涌果邊.........會冇尖沙咀the one, isquare 果邊咁靚~ 不過都叫海境, 感覺開揚~
呢邊廳min charge 係hk$ 188,000, 其實如果有得20圍就已經可以夠~ 最多40圍~
半島果邊就平d, min charge hk$ 96,000, 最多25 圍~

我地坐到差唔多最後既位置(近入口位) 用眼睇個正台都有少少遠, 因為長方形
不過我地唔會太多圍, 應該唔會去到咁遠既..........(我估)

zoom 近少少都影到架喇~

Marcy 帶我地行左一個圈, 睇左2個新娘房,
一個係大房, 係最尾(佢解釋方便march in) 一個係正台, 細d果個可以比奶奶媽咪用

佢做緊11月尾個優惠真係好抵, 最想要果個門口提名board~ (佢平時唔送架><)
我同俊媽一齊去睇既, 佢都好似幾滿意, 冇咩意見! 覺得價錢合理~

marcy 仲話2014年應該會轉菜單, 不過可以用依家價錢加返300又或者到時用2014果個都得
最緊要一樣野係, 佢話佢地2013年3月租期已滿, 不過佢叫我地唔洗擔心
因為可以續租既機會好高, 而且可以轉其他地方(佢既分店) 其實我都唔擔心~ haha
叫佢check 一check, 先知, d人已經訂到2014年12月, 真係唔係誇張!!!
9-12月旺季有d星期6/日都已經冇左,
因此我星期6, 就會捉俊仔去擇日~ 希望可以11月end左呢個project~
因為11月落hk$10,000 第一訂已經有11月個offer~

擇完日再算~~~~~~~~~~~~~~

以下呢d係官方相.........真係幾唔錯架~

就係呢個提名板............鐘意死, 諗下d 朋友係到影相都開心~

新娘房, 其實都唔算太大.........但係可以

中式, 那個板, hk$12x, 勁抵~~~~~~~~~~~~~~~~~~~~~~~~



----------------------------------------------------------------

3-12-2012
後記,
因為有親戚食過呢一間, 早幾日去飲過, 話唔係好得,
有D comment 仲要係幾差tim~
最大問題係食物質數差, 咁岩既, d 客人比幾百都想食好少少既
所以比我呀爸呀媽ban 左.........
ban 左又要再搵過先係一個最大既問題.....救命呀~ 唔想咁樣可以點樣?