2012年8月29日 星期三

大阪2012 Day 2 - 神戶三宮


2012年6月24日

終於唻到第2日, 經過噚日行左十幾個鐘既訓練之後
大家噚日都訓得好好!

心齊橋villa fontaine 好既地方就係有早餐食
而且仲要係好豊富


有麵包, 有蛋, 有湯..............etc, 一個mini buffet 架喇


有炸雞, 炸魚...........etc


最好食係果個薯餅,
不過都係勸你唔好咁遲落去,
因為佢d 早餐係唔會加野架~ 冇哂就冇架喇~


今日係神戶日, 食完早餐就飽飽的去坐車落神戶
先去梅田, 再轉阪神線, 半個鐘就到架喇~~~ yo
三宮係我見過最複雜既地鐡站
因為佢只係三宮站已經分左3條唔同線
另外仲有幾個有三宮開頭既地鐡站
一個唔小心真係唔知自己去左邊..................
我太唔小心, print 地圖既時候冇咁細分佢邊條線打邊條線
去搵路既時候真係唔知自己去左邊!!!!!!
(小提示: 請先分好想去果間店係邊條線既出口, 因為唔係條條線都互通)


我一早係出發前已經做好哂reserch, 有邊間商場會開始做early summer sale
今日唻到M-INT! 真係好好彩架, 今日係第一日呀~


呢到店舖其實唔係好多, 而且岩我地行既都唔係好多
不過有一間佢地見到真係開心到暈左, 行左個幾2個鐘都唔捨得走呀~~~
邊間? 咪BEAUTY & YOUTH lor, 你知香港幾貴喇
就算係行貨都係貴, 不過今次唻係 全店三折 !!!!!!!!!!!!
俊仔真係行呀行下, 買呀買呀, 傻左
連我老豆都買到野, 真係好難得架................haha 開心就好!

去完M-INT 就行去食神戶牛
因為我冇清楚咁記低係邊條線既三宮出口
令我地一度迷路
好彩我地有個地圖神, 最後都去到可以去既地方....呼~!


呢間"STEAK" 我之前都唻過, 真係又平又好食架
雖然佢就唔係果D 有哂雪花, 脂肪分佈勁平均果D
不過都係牛有牛味, 而且神戶牛係真係唔會鞋同UN 架


真係HK$200幾食到神戶牛你仲想點???


雖然佢係Lunch set, 但一d都唔兒戲架~
有哂salad, 湯, 野飲~~


我見到又流口水中..............
今次冇影咁多相, 同上次一樣~


食完就打算去一個境點......但係...............
話說我係打算去六甲山牧場既
係三宮搭地鐡去到六甲山再轉巴士
我一早就知道佢收5點
我地去搭車已經3點半............(同我預定既時間多左2個鐘)
其實我一早睇左巴士時間表既, 不過無mark 低2點後既班次
因為冇諗過會搞到咁遲架, 佢地係b& y 睇得太興奮
去到巴士站, 見到架車, 冇人, 4點先開?!
見到個車貴都要成y640 一個人,
問問先知, 要成40分鐘先上到去
咁者係去到都關門大吉! 唉~~~~~ 好唔開心呀!~~~ 我D 棉羊bb 呀! 鳴~



到六甲山牧場小tips
1, 唔可以太遲去, 早少少, 一點後一小時一班的
2. 巴士站唔係太好搵, 一出地鐡會見到條橋, 橋下面應該有一個巴士總站  
    總站對面"寧寧舍舍" 有個巴士站有個時間表係前面就係 (冇記錯就係黃巴士)

2012年8月28日 星期二

東京2012 - DAY 4 自由之丘 LA VITA


2012年5月XX日

終於都唻到呢到喇, 其實呢到好細
有少少遠, 唔算係好難唻,
不過我都係好想唻................

因為我真係好鐘意D歐陸色彩既野架~
(注, 佢係冇網頁架, 因為佢只係一個好少好少既一個影相area
   地圖我睇旅遊書架)

一入到唻已經好似去左歐洲果D小市鎮咁樣


入口


好鐘意呢個影相位, 真係好歐陸, 好靚呀!


如果果D 影相發燒友唻到會勁開心架~
而且應該影D相會靚我好多


其實果日係星期6/日唻架, 不過都係一個人都冇
果到又冇鋪頭, 又冇Coffee shop. 總之就係一個無人地帶咁喇
仲好, 冇人阻住我地影相~~~~~~~


話說呢到一個人都冇,
但忽然比我地見到一個食煙的男人
其實個樣都惡惡地, 如果比我都唔會搵佢
不過冇法喇, 果到真係冇人架~
搵佢幫我地大合照!!!!! 全程黑面! 對唔住囉! 阻住你食煙~

影完一輪行返出去, 竟然見到係日本好少見既...................


名車!!!!!!!!!!!!!!!!!!!! 豪宅 !!!!!!!!!!!!!!!!!!!!!!!!!!!
仲要落哂反光玻璃, 唔知係邊個大明星住係呢到架呢?


一路行返出去, 又影下d 茶居!


好休閒既鋪頭
(真係好質疑佢地係點維持生計? 我相信一人十個客人都冇)
(謎之音: 日本租平 lor)



之前講過sweet forest 同la vita 係一個左一個右
所以我地要先向返地鐡既方向行返去
再到sweet forest....................gogogogog

2012年8月27日 星期一

考試前最後的一個休閒週末

剛過左個好休閒好開心既週末,
呢個係考試前最後一個開心既週末喇~
之後要努力溫書喇!!!!!!!!!!! 加油!


我既快樂週末由happy friday night 開始!!!!!! yo
一早約左老婆仔去做馬莎池,
平時我都係返大陸多, 係香港真係第一次
放工飛車出九龍城, 因為book 左位未夠鐘
去清真牛肉館食牛肉餅喇!!!!!!! 好正~~
上去做馬莎池喇, hk$250 2個鐘做足真係平架!
同返大陸差唔多ja, +咪車費! 咁當然冇大陸咁grand 喇
如果你只係想鬆一鬆都不失為一個好地方!!
全部既技師都係正宗泰國人唻架, 所以按摩都好正宗架~~ haha


揼完就繼續我地既泰國之旅,
去小曼谷夜宵喇喂!!! (愈來愈期待我地既曼谷之旅呀)


星期6全日都在打牌同睇波淘寶中過左

星期日起身出左銅鑼灣baby cafe 食lunch!
果時1點, 竟然台多到可以任揀!!!!!! amazing~
果然100+ 一個Lunch都係幾貴架~~

出發去睇艾粒日場! <TENMEME>
話咁快艾粒就十年喇! 我雖然就唔係鐘意左佢地十年
不過冇5年都有7年架喇



係我有返少少經濟能力既時候都有KEEP 住睇佢地既show 架!
之前果d 多數都係扮野為多, 我好鐘意佢地扮野
真係好低能, 不過可能佢地大個喇
又你呢個show 話比我地知佢地要成長喇
tenmeme 冇好多扮野環節~ 主要係talk show
我覺得佢地做talk show 真係麻麻地~
可能有比較喇!!!!!!!!!!!! 你地都係扮返野好d 喇~


anyway , 我都會繼續支持你地
就好似你地話第時係街見到你地
我會同個女講媽咪細細個就鐘意你地


睇完show, 出左老銅行街街~
去hysan place 行下, 食左個dinner


hysan place好似係好多野食, 不過一係就無位,
一係就貴! 一係就冇咩選擇揀........


食完飯去左SOGO 買CHEESECAKE返屋企食!
真係好好食呀!!!!!!!!!! 其實90 一個都唔係貴呀~~ 好好食咪得lor~~~~~~~ 



拒絕的理由





昨天收到了一個我認為很無理的要求
我說要我死我都不會說出口

一位男性朋友,
因為抵擋不了女友一次又一次的背叛
打算提出分手
兩個都是我的朋友
正所謂左手是肉, 手掌也是肉
好言相勸, 無功而還
無論我打算怎樣打圓場,
他似乎意志堅定
我承認我為女朋友說得不多
因為她真有理虧在先

他答應過她要永遠都守在她身邊
要堅守這個承諾, 不可以先打玻
就不可以提出分手,
但又不想再折磨自己, 忍受著被背叛
同時他愛著她, 不想直接的傷害她 - 直斥其非
只好想一個他"認為"兩全其美的方法

男性朋友提出了幫助的要求
由我向女朋友道出他有第三者
我一口拒絕

我沒有必要為你講一個不存在的謊話
令你好過一點?!
你說寧願她痛恨你分手
總好過令她覺得內疚, 是很偉大嗎?
愛情結束於一個謊話上, 是必須嗎?

你說我自私, 你又何嘗不是
你要我親口結束一段我覺得美好的感情
我。做。不。到
我並沒有勇氣去面對女孩的哭訴
沒有勇氣去面對世人的指責
就。像。你。一。樣

男人要有承擔, 是你告訴我 
明白你在理性與感情之間掙扎著
十年感情不是輕易放下
但既然你今天選擇離開
就要瀟灑一點, 不帶走一片雲彩

沒有勇氣去踏出那一步
是因為感情戰勝了理性
我相信兩方永遠都無法得到平衡


2012年8月26日 星期日

廣州2天週末遊 - Day 2 長隆野生動物園

2012年8月19日

今朝起左2次身呀, 第一次有人唔肯起身,
第2次因為約左人先肯起身ja,
因為佢受人所托要比d野人.....約左uncle 食酒店門口等

比完野佢, 我地就去左食俊仔最鐘意既炸奶
就係祈福食街 -- 順德菜!
佢唔算係最平, 雖然都平過香港好多, 4成到喇!

因為我地早左起身, 11點幾就食完飯喇, 真係好happy~
我地就出發去第一個境點~ 長隆香江動物園

由祈福去, 其實真係冇咩方法
一係就好似噚日咁, 由地鐡去, 要轉車轉車再轉車
真係頭都暈呀~
基本上你係冇可能叫到街的士(者係跳標的士) 
所以你只可以叫酒店幫你call 車, 但一開就50人仔
但都猜計架, 都要搭~

大約10-15分鐘就到左喇............

我地一早就酒店買左門票喇! 其實冇平架, 不過唔洗係門口等排隊買飛咁解!



我唔係第一次唻, 其實呢到唔係幾大~
因為佢有2part 一part 係車行既~ 一part 係人行既~

一入去就去左 MADAGASCAR 先喇,
去睇朦哥仔喇, 好得意呀!!!!!!!!!!!!


之後就周圍行下喇........


當然去我最愛住既地方喇


佢地真係好得意呀~
訓哂係到食野囉! 佢地仲會搶人地D野食架! 勁衰仔呀~


呢隻好搞笑呀~ 佢訓到好似"香"左咁呀, 成個人冇哂反應!!! HAHAHA~


之後就去到我最鐘意既環節喇!
做好心人餵食長頸鹿

佢地好可憐架, 平時應該係冇野食,
食下榭果D, 我都唔知到底現場賣果D有咩咁吸引?
佢地有榭唔會會過唻食D 葉架!


今日仲咁岩見到有隻BB tim 呀~ 好得意呀!
本身我都冇打算餵架喇, 但係見到bb豬就忍唔住想餵!


其實都唔平架, 一少少束就已經y15 人仔,
 但係想玩一下都ok既~ bb 叫做溫柔 d架喇
成年果d, 真係好大用架, 成支搶左你架!!!!!


最後出發去新開發既侏羅紀森林


先由機械人講解一下~ 冇人會聽架喇~


入園喇! 果d園工都幾好演技架
7情上面大叫"小心呀! " "下面有恐龍喇" hahahah

雖然一d 都唔驚!

佢d恐龍當然全部都係機械龍喇~ 有聲, 識move 下, 幾真! 已經好夠!
要求唔好咁高~~~ (有小朋友真係驚到喊)

全部機械龍都係1:1 咁做出唻, 所以都會有真實感架!

先唻現今仲生存緊既科莫多龍 (我真係有諗過呢隻係咪真架 )


翼龍


好溫馴既腕龍!


甲龍


三角龍, 得個頭!
不過真係好大隻, 我企過去係我成個人咁高!!!!!!!!!


唔知呢d咩龍, 不過我睇侏羅紀佢地係好恐怖架!
勁惡架lor, 旁邊有個園工係到, 大叫"快d 走喇"
我仲唔知佢做咩, 打算影相企左係到!
點知佢就噴水喇


速龍, + bb蛋~


最後當然係要睇勁勁勁勁大隻既暴龍喇!
佢真係好大隻, 係佢腳下真係螞蟻一樣~~~
呢個moment 想起以前海洋都有一隻架
我仲記得我細個果時好驚架! 依家冇左lu~ 童年回憶~~


離開左動物園之後就打的出市橋........
去食kfc, 打下機 (好多香港都冇架wor, 我又見到好多日本機有中交版, 搞野)



返祈福拎野, 就搭車返香港lu~~~~~~~~~~~~~~