愛 LOVE

好似好耐冇打睇後感喇, 唔係冇睇戲,
而係冇咩戲好打
但我噚日睇左好戲~ 要好好介紹一下



我睇intro 已經好想睇,
大概係love actually 中毒太深~
太愛呢一類愛情小品~

呢部"愛", 入面包含左3個唔同既愛情故事
我喜愛佢既拍攝手法,
3個故事可以連在一起又唔會太古怪!



先係講一個3角戀既故事
3個大學生, 宜加愛上了自己好朋友的男朋友呀凱, 仲有左佢既bb
呀凱只係一時衝動, 對宜加一d感覺都沒有! 更加係深愛住小如
為她, 呀凱可以做一切令小如原諒佢~
但原來做咩都唔及一棵真心重要,
最後小如都是原諒了他們, 我哭了, 女人可以這麼的偉大嗎?
自問, 真係做唔到~~~~

小如: "難道我很挑剔, 很愛發脾氣, 我就不配被愛嗎?"



另外一PAIR, 3角戀
舒琪 - 柔伊, 由中學開始就比男人包養, 不知道愛為何物
因為她不為愛而生活, 只為錢!
直至佢遇上小寬, 她第一次真真正正的感覺愛~

柔伊"人沒有愛的能力, 比沒有性的能力, 更可悲"



小寬的愛太單純了, 令柔伊開始動搖了
她本來跟富商 一齊, 但慢慢開始發覺自己想要的
原來已經改變左, 想自己獨立一下~

小寬:"我不接受包養, 只接受愛"

令我欣賞既, 唔係小天同舒琪既角色
反而係富商, 他有財, 要風得風, 要女有女
但竟然愛一個女人愛得咁死心塌地
我鐘意佢懂愛的最高境界, 令愛的人快樂就是最大的快樂!!!!

富商:"我一百個希望你可以回到我的身邊, 但是我知道我不是那個可以給你幸福的人"



最後一pair, 好老實, 冇咩驚喜冇咩感動
金小姐同那先生的故事~
因為金小姐的小兒子豆豆開始的


金小姐就好似久違了愛情的人妻一樣, 一有愛就失守了!
沒什麼感想, 因沒什麼特別

那先生:"你要記住永遠不要記住那個你不曾擁有過的東西"




成部戲我睇得好舒服, 唔會好飛唻飛去既感覺!
更意外地好多笑位~ 果然係輕鬆又快樂既愛情小品呀~
推介呀, 有愛侶的人同心愛的人一齊睇真好呀~

六年5個月 – 火山石

2012年2月18日

咁岩撞正係星期六, 開心哂!

本身打算早少少起身去RED MR 唱K lunch

點知, 又訓到唔知醒喇, 知醒又唔願起身喇

搞到k lunch 唱唔成! 唱happy hour lor

係旺角食個午餐先喇

 

俊仔帶左我去食女人街既火山石

因為佢知我係烏冬人, 佢試過果到d 冬冬又好食

我地去到2點半到, 都要等位! 咩料咁多人…

等左一陣就有位lu, 入到去我就知點解喇

因為原來佢有下午茶set~

上次俊仔食晚餐, 佢話份量一樣,

但係價錢就差1/3有多~ 唔怪得咁多人


烏冬由石頭窩上, 熱騰騰架, 感覺好溫暖呀~

而且佢個豬骨湯低唔會太濃得唻又香~ haha 真係好good呀~

最重要既烏冬, 係我最愛既稻亭烏冬!!!!
十個讚!!!!

 

叫左個特別少少既豬八, 唔好味! 好干!

 

呢個蜜芥末牛真係超好味!!! Wow, 可能本身我係芥末fans 瓜~

 

仲有野飲送, 2個烏冬, 2串燒, 結帳都唔洗100一個人! 抵食!!

 

食完出尖沙咀, 打完唱happy hour

點知, 我地搵唻搵去都搵唔到間red mr, 原來係憧大廈入面!

搵到又點? 都冇哂位~

俊仔就陪我去行街街喇~ 佢今日唔知點解咁好死

咩都就哂我wor, haha!!!

 

行上次未行完既the one, 仲食左雪糕tim~

2.14 後記

這是我們拍拖第七年的第一扎花
我POST 左上facebook, 一日已經有49個like, 15個comment
大家都好替我開心, 我都好開心
我知, 我成日都同佢講, 我要花我要花, 一次都好呀~
佢成日都話佢要係我最估唔到既時候送比我~ haha
今次真係估唔到喇

我成日都話花係唔實際架, 不過原來收花係開心到咁呀~
haha, 我仲記得我係轉左身果時係有少少嬲你應承左接我又唔唻
點知我一轉身就見到一扎好好好好好.......靚既藍色花喇
我真係由個心到笑左出唻呀, 係甜笑wor~
我唔識比反應呀~ 總之就係好開心喇!

係藍色"屈"金香呀!
早2個星期到佢問我其實鐘意咩花, 我都估到d 架喇
不過唔想又失望,都唔會特別去期望!
haha, surprice~

俊仔話係18支, 其實18係我地既紀念日唻架~ hehe
佢話唔識咩花語, 唔想送幾支咁小家
其實我好真心講, 就算係一支我都係咁開心架喇!

雖然都唔仲未係我既dream flower, 不過已經好開心喇
噚日係街聽到個女仔話, 隻藍色好靚呀! wahahahaha

今日就試圖用花瓶插起佢地
但因為太多太大扎, 都係要分開插!

媽媽幫手中........
得出以下既媽媽作品! haha

難忘 2.14

用難忘唻起呢個TOPIC, 簡單既快樂已經夠我難忘
難忘在第一次收花, 難忘在係情人節病

我13號已經係公司咳到死死下,
咳到我老細叫我返去睇醫生
我都唔肯走, 就係為左可以14 自然sick leave
haha(邊有分自然同唔自然架?)

 

本身情人節要出job呀 (者係不係公司做野)
我又唔想, 所以一舉三得!
點知…………….搞到2個人, haha

 

第一個係俊仔, 佢話原本訂左花send去我公司
點知我同佢講出job wor, 佢咪要打去改lor
咁就搞到花店老細,
因為我之後又話上午係公司
再之後我又話會sick leave,
就係咁搞到老細想小佢, hahahaha

 

起左身之後就過左佢屋企,
有少少嬲架, 因為佢噚日應承過唻接我
打比佢話同佢呀媽搞緊d野, 岩岩先返到屋企
上到佢到, 嬲嬲地~ 點知一轉身就見到d藍花喇~
點嬲得落呀, 佢話佢唔接得我就係因為打的出去拎花, haha

想搵戲睇又冇戲想睇
所以就係屋企睇3D喇,
係呀, 佢老豆買左部3D電視連blue-ray 機
我地咪係大陸買d 3D blue-ray 返唻囉~!
都ok, 雖然有少少影, 不過都叫有3D架~!

 

睇完岩岩好夠鐘出去食飯
我地book 左朗豪mr steak
佢set死一定要食佢今日d set, 算喇,
都唔算係太貴既~

頭盤
我鐘意個大圓腸, 好好食! 凍凍地好開胃呀!

龍蝦湯, 冇咩特別
其實我唔鐘意龍蝦湯架! Haha

2份steak,

一份M9 和牛
M9 都唔係咁簡單, 雖然唔係入口即溶既境界
不過都唔算輸, 但係上次我係PRIME STEAK 食果過好食D~

一份牛配龍蝦~
個龍蝦好好味呀!!!!!!!!

好搞笑, 佢整哂d心心蘿蔔, 心心瓜!!!haha

因為佢限時一個半小時,
佢D 野唻到呯呯聲, 勁快, 一樣食完又一樣, 冇停口~

 

係甜品先比我地回一回氣
心心mango and orange mousse cake~ 好味(雖然唔係特別)

飲咪杯熱飲, 今天我飽到好緊要!!!!!!!

食完仲有支朱古力花送,
我聽到隔離台個男仔話: 嘩有花送, 慳返!
比我係佢女朋友真係比佢激死~
係都唔好講出唻呀~

13樓呢到好靚好有氣氛, 咪就係周圍都粉紅色同心心lor~

影下D 波波樹!!!!

食完飯仲係早, 我地係旺角行一陣
俊仔話我要係旺角巡遊, 因為拎住花,

要比人地羨慕下~ 唔係咩特別想比人睇
不過有人望, 個心都真係會偷爽一野, wakakakaka!!

我地經過行人專區, 見到好多人圍住, 唔知咩唻
你知我地幾8先得架,
過去睇睇就知幾勁!!!
有個外國伯伯, 竟然扭左個大眼仔出唻呀~ 我真係驚奇~

之後佢又開始扭喇, 先唻藍色, 唔知佢扭咩
慢慢開始知喇, 係一個灰姑娘~~~~~~勁爆!!!!!!!



食咪雪糕就返屋企LU~

拎住扎花係街行係幾威, 不過都幾重tim
俊仔話下次唔好送咁大扎! haha

我話下次應該係求婚先有花收喇~ haha

一人一電郵向煲呔說不！

林公公剝奪了你我的知情權

政府突然宣佈下月試行自駕遊，事先全無咨詢，亦不見媒體提起，巿民對詳情、細節一無所知。據說，自駕遊分兩階段實施，第一階段，香港車先北上，然後，再落實內地車南下香港。內地車來香港，初期上限為每日五百架，逗留期不多於七日，即每日最多有三千五百架內地車在港「自由駕」。日後，相信必如自由行一樣，進一步放寬地區和限額。

詭異的是，上年度財政預算案中，財爺指香港私家車數目增長得太快，令全港主要幹道平均車速下降達百分之五，私家車首次登記稅及現行各稅階之所以提高一成半，目的正是為了遏止本地私家車增長數目。同樣的，另一條停車熄匙政策，矛頭直指亦是香港地少車多的問題。

言猶在耳，事隔不到一年，政府卻突然宣佈引進大陸私家車來港自駕遊，莫非大陸車輛不會佔用香港車道？莫非大陸車輛像樹一樣排放出來的都是氧氣？自打嘴巴的施政方案，令人摸不着頭腦。

這麼一項嚴重影響民生的政策，由始至終，巿民卻一直被蒙在鼓裏，始作俑者原來又是林瑞麟！原來，2009年中，港深政府簽署關於推進前海港深現代服務業合作的意向書，時任政制及內地事務局局長的林事後竟以深港兩地政府簽約「不牽涉立法會額外撥款或立法」為理由，拒絕向立法會提案，拒絕公開意向書全文及其他多份兩地政府的協議。

一人一信向特府說「不！」

2009年中，時任政制及內地事務局局長的林瑞麟，拒絕向立法會提案，拒絕公開港深政府簽署的關於推進前海港深現代服務合作意向書全文，使嚴重影響每一個巿民民生的政策轉入黑箱作業。林瑞麟有此態度不奇怪，奇怪的是立法會議員的反應，居然沒有向傳媒披露。至少，在政府宣佈試行之前，無本地主要媒體對「自駕遊」計劃及林瑞麟拒絕披露詳情一事有詳盡報道。

現在，政府也只是單方面宣佈而已，卻不對前後不到一年的時間內，施政自相矛盾作出任何解釋。

即使是一個夕陽政府，也有責任對城巿的長遠發展作出規劃，這一規劃須以本地人的生存質素和權益保障為本，包括基建項目、道路使用、資源分配、綠化環保......而不是犠牲本地人權益向經濟殖民獻媚。

我們用高薪養起一班庸官，港官維護的卻不是本土巿民權益，真是件匪夷所思的事。三位大陸讀者寫信給我，一位住在外國，一位住在廣州，另一位是深圳人，後兩者應是自駕遊計劃得益者，三人卻齊齊反對大陸車入境香港，因為他們太明白那意味着甚麼。

讀者陳小姐已去信特首辦抵制自駕遊，這方法值得借鏡。視民意為浮雲的煲呔不會在意巿民的想法，但我今天不做，則對不起自己的良知。我覺得這是盡公民責任，我們有責任為自己、為下一代爭取更合理、更人性的生存空間。香港明天，全賴我們共同努力！各位，請一人一電郵去特首辦，強烈抵制自駕遊！

文章來源:蘋果日報名采版，作者高慧然




附特首辦聯絡方式:



中華人民共和國香港特別行政區行政長官辦公室

地址 :
香港添馬
電話 :
(852) 2878 3300
傳真 :
(852) 2509 0580
電子郵件 :
ceo@ceo.gov.hk



另，我在網上找到煲呔Facebook，但我本人無賬戶，或者大家也可嘗試寫去呢度:

http://www.facebook.com/pages/%E6%9B%BE%E7%89%B9%E9%A6%96/112290072130508

龍年初四 - 澳門放煙花

2012年1月27日

上回講到我地係大馬路食完飯就打算打的去放煙花
因為放煙花地點我地唔知係邊, 只知係旅遊塔附近
由新馬路一直行都見唔到有的士, 就算有都係有人既
諗住行去十六浦可能會好D 喇, 點知行到落去, 發現係一樣既
問下D staff 可以點樣去, 佢又叫我地行返去新馬路果邊會有車去
但一直行一直行都唔見, 又比人老點左?
我地來來回回行左應該有20分鐘, 好累呀大佬
最後俊仔機智, 係馬路見到人落車, 先跳到上車ja~ 幾辛苦

大約5-10分鐘既車程就到左放煙花區
我地未落車已經見到滿天都係煙花, 已經格外興奮

行入煙花區, 聽到好多呯呯聲, 好近好近~
煙花好近好近, 我覺得比初二煙花感覺更正!!!

再行入少少就係賣煙花/火既地方
有大約10個檔口咁多, 應該可以講下價

有好多唔同既煙花可以放,
真係原諒我少見多怪, 因為香港唔比放
而且我又第一次唻澳門玩煙花, 見識係少d 架喇
最貴就係呢d 咁大pack 架喇, 佢係點左之後會勁爆飛上天果d呀~
發發好似有d 興趣, 佢問下幾$喇, 最細果pack 都要$500,
個sales 想sell 我地呀"唔貴架喇, 上左天真係好靚架, 好抵玩", 話口未完, 我地就聽到出面有人係到燒$
我就同sales 講, 我地睇左喇唔該

最後買左呢pack 有大約1x 支有大有細既!! hk$220
(我地走果時同的士老吹水, 佢話早幾日落雨, 佢地喊哂口,
你地應該講下價喇) 有D豬tim~ 算喇~ 開心錢~

我想講其實去到唔玩都已經好多野睇
因為真係有好多人會放果d 大pack, 幾百一千咁燒左去
我地真係唔洗買架, 你enjoy 時又可以娛樂大家, 真讚!
個場面好震撼下, 係下圖睇得出係有幾大喇
同年初二維港果d 細size 差唔多



最難得既係, 我未試過咁大個煙花係頭顱頂上面放
大到我睇唔哂架, so cool~~~~~~~~~~~~~~




最搞笑係俊仔走佬,
點解呢, 因為佢話有d 花灰跌落佢個頭到
驚燒著佢d 頭髮!

我第一次放都真係好驚, 因為佢未飛上天之前係會有"吱"一聲
仲噴火, 幾驚呀!!!!!!!! HAHA, 好彩最後都成功點到! yeah~

玩咪佢送果d敵敵金就走人lu~~
其實真係好好玩 & 好興奮!
但因為係海邊既關係, 果日又係最凍既一日,
我估果日海邊得10度咁上下, 有風應該唔止tim~

我地想搭的士走架, 不過因為你知果到幾咁荒蕪
竟然見到MGM, 文華東方, 於是問下可唔可以行過去
答案當然係得!!!!!!!!!!! 下次醒喇, 係MGM 行過去, 仲舒服過搵的士

經MGM 搭車去碼頭, 走人返香港LU~