小車: 9月 2011

2011年9月28日星期三

作死不離3兄弟 (3 Idiots)

人們係FACEBOOK 上面大大力推介
見果日想搵戲睇就睇下喇
真係比想像中既更加好睇
無論你有冇呢2個好朋友都好值得去睇
因為呢部戲想講既Message 太多
有友情, 愛情, 親情, 教育.........基本上你人生上面會遇到既
佢都會做
Yahoo! 電影

我第一次睇印度電影, 之前既一百萬零一夜冇睇,
今次真係令我大開眼界
估唔到都可以有呢個水準!

一部戲可以有笑到你反肚既地方, 又有緊張到你不想呼吸, 仲有搞到你想喊既感動位
我唔係未睇過, 太耐冇出現過! 而且每一個位都做得好好

成部戲都係由一個人做主角咁, 雖然係有好多劇情係估到
不過都有驚喜位

Yahoo! 電影

除左有以上我講既笑, 緊張同感動之外,
仲有一樣野係我估都估唔到既
佢竟然會有"歌舞?" 仲要d 歌幾好聽tim

大家聽下係咪? haha

唯一既問題就係佢d歌太長喇........唱一首, 係會唱哂成首.....
我地就會睇到悶少少lor
Yahoo! 電影

雖然佢講既好多都係印度既文化, 不過睇戲學文化都唔錯
而且我知道左原來印度自殺死亡率係咁高
印度係一個發展中國家, 每年既gdp 都很高, 人口很多
但原來同時好大壓力!

原來我冇講過部戲講咩,
故事一開始講2個好朋友為搵一個失去聯絡5年既朋友而出發
中間加插左佢地既相識同分手經過
當中包括多個感人, 搞笑又難忘既經歷
以為好彩搵到佢好朋友之時, 原來故事仲未結束............

成部戲我get 到既message 就係
要做一些令自己快樂的事, 唔好令自己後悔
因為勇氣只係一時, 後悔卻係一世
做一d 自己唔想做既事, 唔會有好成績,
帶住壓力, 恐懼去做人做事, 唔會有好成績

成部戲係好正面, 好多正能量! 睇完個人真係會開通左架~

大大力推介既電影!!!!!!!!!!!!!!
Al lizz well

2011年9月27日星期二

自我放鬆一天

2011年9月27日

好耐都冇打過日記lu,
因為忙打遊記, 真係會好忙~ 下年爸爸答應去大板! yeah~ 希望去得成喇

講返今日先, 唔係唔洗返工架, 不過因為出左job,
返工同放工既時間都彈性架,
因為我知今日約左俊仔, 如果早d有得走
就可以同俊仔去街街, 所以我噚日好苦惱咁努力做
真係不枉我咁努力既! 我仲要同senier 出job, 咩都快過人

我地食完lunch, 過多一陣就走得lu!!!!!!!!!!!!!!! yeah~ 開心~
返屋企放低d 文件電腦, 就開始我今日好似放假既一天喇~

早日講過, 如果我有得放早就去kwan 芳行下
(依家俊仔冇返工, 有好有唔好lor, 好就好在佢幾時都得閒陪我
唔好在佢係家太hea 太得閒)
佢唻我屋企接我之後就去左kwan 芳
我叻叻呀, 一樣野都冇買呀! 未試過架~
本身就會買既, 不過要訂我又少去果頭, 最後放棄

想睇戲, 不過得荃灣有百老匯
去完kwan 芳得過去荃灣喇

我地去到荃灣先發現原來我地2個都唔知boardway係邊..haha
問問人就知.........好遠!
本身plan 左食咩架喇, 但因為2個商場隔太遠
而且我又有d餓, 是旦見到moumou 俊仔話想食, 就拎位喇
咁都等到半個鐘..........

我地買飛遇到一件笑爆咀架事
賣飛姐姐: 今日星期2, 每人$50, 2位total $100
俊比張$100 紙佢
賣飛姐姐: (佢比2張飛我) 多謝找返$10
我起碼唔識比反應, 因為太自然, 而且我有問題問

走左之後, 俊仔同我講返我就笑到反肚喇!
香港人太大壓力? 做緊做到痴哂線? 定係你好憎boardway 要倒佢米.haha

我要睇完"3 idoits" 都12點半, 估唔到要3個鐘咁耐!
不過幾好睇, 分開分享~
返到home 1點半...........................

2011年9月24日星期六

goodbye 吉隆坡

打左3個月, 我終於都打完我個吉隆坡樂浪島之旅喇! hand clap.....

2011年6月22日

我地行完街街之後就返左酒店拎住行李就去monorail 去sentral 再轉air bus 去機場
我要同呢個地88 lu , 不過吉隆坡冇咩值得我留戀

去到機場, 你知喇, 我地係幾咁熟路
就去左white coffe 食最後一次,
不過今次唔係食kaya 喇~ 食喇沙

都唔錯, 不過我唔錯意佢地d 香草味!

過多一陣就上機lu,

呢個trip 我最深印象既, 都一定係高空3萬尺果個恐懼感
有人話以後都唔搭air asia, 我就覺得只係當日天氣問題
其他時間搭我都覺得冇咩問題
另外, 我真係好難忘樂浪島果個李斯得林海
仲有marine park 果千條魚魚, 真係又驚又喜呀
第一次潛水喇, 令我本身對海洋有興趣既加愛大海~

雖然我未必會再唻呢一個地方
不過呢一個trip一定會係我一生難忘既
仲有幾個好美好, 難忘既回憶比我同我下一代分享
人生麻, 我覺得有回憶跟下一代分享才不白過!

第五天吉隆坡 - 新鋒肉骨茶

今日一日打4篇blog, 叻叻
因為有另一個topic打喇, 再唔打咪佢, 我真係負債王喇!

----------------------------------------------------------------

2011年6月22日

行完商場, 食最後午餐先
俊仔一直都好想好想食肉骨茶
知道佢鐘意食, 就搵左好多食+好多旅行團都會去既

新峰肉骨茶

地址： No. 35-41,
Medan Imbi, 55100 K.L.

其實都幾難去, 因為個地圖同本身個位置好似有少少唔同咁
新峄其實係係bukit 區架, 不過佢地d 街名真係條條都差不多
者係Jalan imbi 同 medan imbi , 而且google map 好多細街冇show出唻
我地真係行到傻左~
最後我地知道medan imbi 係Jalan imbi 既一條小街! Jalan imbi 係大街

我地行到Jalan imbi 係咪係到行都見唔到
之後就見到好心人喇
佢地本身係門口吹緊水, 之後聽到我地係到講廣東話
問我地洗唔洗幫手, 好快就指出左新峄係邊喇~ 感動~

我地去到lunch , 不過已經1點幾,
d 旅行團已經走哂~ good~

佢d tissue 都要$ 架, 收我rm$0.6一張架.........=_=

唻個招牌肉骨茶先~ 果然係好唔錯! 好有肉味, 不過冇咩藥材味!

不可少既菜菜!
呢個最後午餐好好味!

吉隆坡之旅要完lu....................

2011年9月23日星期五

第五天吉隆坡 - vincci

2011年6月22日

馬來西亞vincci 真係超級的出名, 佢出名咩呢?
就係出名又平又靚
我都話我係咩都唔會執輸果d師奶, 點會唔行呢?

原來vincci 都有2間, 我之前係雙子塔見到一間
佢個樣就知係高級野, 我行入去睇, 雖然唔算係好貴果d
大約hk$ 300-400 一對, 不過覺得佢地講到咁平lor
我本身都失望架喇! 點知我就見到d 人係某一個街口拎住個vincci 行過
我地向呢個街口出發~ (唔好問我邊個, 唔記得, 一定係paviliron 附近)

佢除左有鞋 , 仲有袋, 仲有accessaries..都幾平tim
大約hk$80-199 不等, 其實有d 似香港既red
d 鞋係好平冇錯, 不過d 款唔係真係咁靚,
我呢d 又唔著高跟鞋既, 更加係冇咩款可以揀tim

你搵到呢個門口就叻喇, 唔好問我係邊到wor.....hahaha

另外我想一提既係, 佢地d sales 令我好不爽
佢地冇笑容, 都唔緊要! 黑面, 問佢野3句應一句
個個都係咁架wor, 好好生意都洗咁呀?
問佢有冇size, 佢會拎會比你試, 但有冇size唔會講架wor
你叫佢拎多次就黑你面..................唉~

最後我都係買左一對比自己, 一對比呀妹!