2011年7月31日 星期日

尖沙咀 - 大喜屋

一轉左blog 就要快快手打blog, 有幾篇要出街!

2011年7月29日

約左成個月既DMS 朋友仔, 終於都約到出唻
雖然就唔算係齊人, 不過都叫多左3個
平時得我同Zoe baby 2個ja...........

有朋友仔介紹去食放題
係香港我食過好多日本放題, 不過冇一間我覺得係ok
唔好過好食, ok 都過唔到
但呢一間, 真係要係新張期內快d 去
因為佢做緊個promotion price 真係好抵
咁既價錢食咁既質數真係好good!

我地未上到去, 已經feel 到佢有幾勁
因為佢係分開2段時間既
6:00- 8:30pm, 8:45-11:00pm
所以一次過會有好多人去到
而且佢大堂又細,, 令到感覺驚多人

好彩有book 位, 唔係, 應該係話一定要book 位





其實入面都ok 大既, 我地咁岩坐左係sushi bar 旁



3位班中少有男同學.........



my lovely zoe baby~




刺身都好多選擇, 係放題唻講真係算多....估唔到連希靈魚都有!



最精彩就係呢個刺身盤喇! 本身佢地寫12件18件
我都以為反正佢都唔會唻咁多
點知, 真係遠超我既想像
佢唻得足不止, 仲要好好食! 真係好想要多round, 不過已經飽~ 但我地係清哂架下



個芝麻雞好好食



有海膽不過就麻麻地



仲有羊架, 都好good




其實仲有好多其他野食, 我都一一影落唻喇!
我係決定要佢未加價前去多一次既!


3個不願上鏡的男人! 9月再見了!

upgrade blog


今日第一次用新blog唻打blog
係冇原因之下我決定upgrade blog
而我亦都開始後悔.....................
舊blog d post 仲係到
不過我忘記back up 果d css 既link
如果第時我想再用返一樣既話
又要重新研究過!!!!!!!!!!!!!!! OMG
唉~ 我份人就係咁架喇, 咩都冇衝動
不過算喇, 唔UP 都UP左喇
唯有習慣下新BLOG

不過最令我氣憤既係
我好似唔見哂D blog友咁既?
由add人到變關注(好似微博咁) 都算喇
我發現如果冇upgrade 果d人
我係新blog呢到係唔可以直接link到
我要入返去舊yahoo blog 面(not my page, 已經冇哂野)
搵返自己blog 友, 咁先可以睇返
早知我就唔咁早轉喇
因為佢係迫人升級
所以遲早全世界都係UPGRADE 左
可惜既係, 可能呢個時候都有人走左

我估我都要D 時間去習慣一下.............

2011年7月28日 星期四

第三天樂浪島 - 第一次潛水

halo, 又一個happy friday~
呢個星期好忙呀...........因為就deadline
星期5就可以打打遊記喇~

-------------------------------------------

上回講到我地要heahea 一個下午
仲有少少時間, 我就suggest 俊仔去shark seaside 到潛下
因為聽聞果到好彩係到睇到baby shark 架~


不過因為我地得返一個mask (租果個) 因為自己帶果2個都已經壞左
咁冇法喇, 要一個一個落去潛
但因為真係太曬, 我就梗係坐係樹蔭吊床等佢~

佢出左海之後, 我就見到一隻小松鼠
因為地下有個番薯, 佢偷偷的去拎, 真係好可愛架~
我就係樹蔭吊床下, 有d海風, 有d陽光, 差d 訓著左......

唔知幾耐之後, 俊仔返唻lu
我比左個相機佢叫佢影下相
佢就真係有影到d 野返唻

我估唔到, 唔洗出到海中心都可以有咁多魚魚
雖然就冇marine park咁多, 不過都夠厲害

我見佢影d 相返唻, d 魚同之前果d 差唔多
我都冇左再落去潛既意欲喇~因為我要留力
我要留力潛水~~~~~~~~~~~~~~~~~~~~

咁大個女第一次潛水, 真係又緊張, 又興奮
我地返左Resort, 還返mask, 放低相機
就出發去一早book 好既discovery dive 喇~
因為我地都係第一次潛, 雖然就唔係太深
不過為安全起見, 都係唔好帶相機
(所以以下內容都係睇字, 唔岩睇就飛喇)
我相信一定有下次, 而且係記係我心入面架ma~

我地帶住2個好緊張既心臟去到人地centre
咁佢會問我地係邊到人,
知道我地係香港人之後就搵一個識廣東話既serve我地
其實基本上馬拉人都好勁架, 個個都識4國語言既
最普通既英文, 馬拉文, 國語, 廣東話

我地先唻一個廣東話既briefing,
佢會教我地一d 最簡單既野
點clear mask, 有水入口點算, 基本手勢
再加簽一份生死同意書, 聽落好恐怖

大約brief 左20分鐘, 我地就可以去著裝備喇
oh my god, 個樽真係好重!!!!!!!!!! 坐係到起唔到身!!!!!!
好勉強起到身, 之後仲要行落沙灘, 真係好痛苦
不過教練一直話落到水就唔重架喇, ok 我知架喇

我地先係比較淺水既地方練習頭先教練講果d
clear msak, 有水入口點算, 減壓...........
落到水就見到原來有2個教練
原來係one on one, 立時安全感大升~~~~~~~
教練要求我地跪係水底做返原先教我地既野
但係我真係太緊張喇, 而且教練一直話我有用鼻呼氣唔正確
我就更緊張, 一直都做唔好果個clear mask,
成日都嗆到水我真係勁驚呀, 好驚會死呀
我嗆到水就浮上水面, 搞到比教練鬧
佢話應該有咩就試下係水入面解決
因為你如果落到幾十米係冇可能上水面解決
我覺得佢都講得好岩,
雖然試左好多次, 我都係失敗, 但我冇放棄
終於我都得左喇........................

就係我地隔離既俊仔+教練, 一早就ready好等我

我ready 好可以一齊出發喇! yeah~
岩岩落到去, 我都係好驚呀........呼吸都係好穩定
一時快, 一時慢, 而且仲好急
我地一路落水底, 教練一路提我要做減壓
不過去到一半既時候, 我耳仔真係好痛, 做唔到減壓
而且又嗆到水, 所以我要求上水面
上到去, 教練問我咩事喇,
之後佢又教左我d野, 又話呼吸應該要穩定d
而且係要大口大口咁吸, 者係吸滿個肺, 再呼清個肺
咁就唔會好辛苦
我聽佢講完做, 真係好得!!!!!!!!!!!!!

我終於都可以好好enjoy 呢個海底世界

(以下相片係上次去cebu 果時果個人潛落去影比我既)

我見到呢個, 教練叫我用手dim 下佢
好得意呀, 原來佢地係水底怕羞草唻架
你一dim佢就會收咪自己架喇....haha


仲見到好多好多靚既珊瑚, 在心中
有好大裙魚..............

我仲好近好近好近好近咁見到nemo 仔仔一家tim 呀
好可愛呀佢地
我仲偷偷地去用手dim左海葵一下~ 係有少少唧手既感覺好搞笑
不過比教練發現左, 撥開我的手........hahaha


仲見到一件特別少少既海參
通常果d海參都係表面滑sasa 果d 架ma
呢條唔係架, 佢唔滑, 不過全條lum cc, 拎上手感覺好噁心架
我都唔敢大力少少拎, 好驚佢會痛..........


我地潛到咁上下, 都不知時日過
好快就見到教練指示要返轉頭lu~
我聽男友講, 我地最多去到十米, 我可以冇tim
不過第一次唔去太深都ok, 而且係一個very good good 既經驗呀

我地唔覺唔覺由, 4點玩到6點半...........
一個人仲要教練one on one, 都係rm 900(hk$ 350) 一個人
真係覺得好抵..............唔係度度地方可以做到
雖然佢唔係最靚既地方, 不過係一個非常好既練習場地

上返水去放低d 裝備之後真係成個人release 哂~
多謝完教練s 之後, 我地就返返resort沖涼, 準備晚飯


今日晚餐我地食得特別多, 因為潛水原來真係好累人架

食完晚飯, 返房休息左一陣
都係8點幾者, 做咩好呢?
出去睇下星星先, 今日天氣好d, 應該星星都會多d

我地又去麼麼茶屋買雪條 再買手信

一路食雪條, 一路坐係沙灘上面既bleach 到睇星星
真係人生其中一個大享受

今晚星星比昨晚多, 俊仔仲話見到流星呀, 係流星呀
可惜我睇唔到呀

再周圍行下, 又比我地見到有手信店, 再買! haha

唔記得幾點就返resort lu~.............
show 下手信先........冇咩係自己的! 不過都係好鐘意的!!!


因為早食飯, 而且早日已經買左個杯麵, 今日我要ko 佢!
cantee 有24小時熱水供應, so good!
我地ipad 送麵~~~~~~~~~~


咁又一日喇...............................聽日就要走喇
好唔捨得呀!!!!!!!!!!!!!!!!!!


8月新生活



今日係7月29日lu
2011 年7月仲有3日就完
真係光陰似箭...........
2011年8月, 我要開始我既新生活喇
1. 開始溫書
     上次溫2個月都係覺得唔夠, 今次3個月一定可以KO 你

2. 減肥計劃
    雖然呢一個一直我都掛係口邊, 不過就冇真係去坐言起行
   由8月開始, 我就要開始, 真真正正咁去執行我定下既目標
    因為我已經再忍受唔到自己個大patpat喇
    我覺得應該要先從食物入手
    -- 每天早上先飲一杯暖水, 之後食麥片
    -- Lunch 正常
    -- 食完lunch, 要落街行下, 唔好好飽既時候坐係到
    -- dinner 食少d, 唔好食咁飽
    -- 每天一至兩份水果
    -- 每星期至少2次運動 (我知3次最好, 盡量喇)
    -- 放工如果返屋企, 早一個地鐡站落車行返屋企
    -- 戒M記, 少飲汽水(平時都少, 再少d)
    希望呢d 少改變, 會有大改善喇
    我唔係果d讚成食藥做機節食減肥果d, 因為最緊要都係健康ma

加油加油, 9月我希望有一個重新既我!!!!!!!!!


Yahoo blog 升級?!

想打新blog 就見到佢話yahoo blog要升級
好奇入去睇下
點知...................................真係好失望的
以下是我試板! 係咪好樣衰?

個板面比依家還要空, 都算! 我就是旦按按睇下有咩新左
不過.............

"而以下功能或資料將不會保留至Yahoo!BLOG新平台上

個人照片及我的檔案

升級後,現有用戶需要重設暱稱(現有綽號)及個人照片,其它資料如自我介紹、性別、生日等則不再保留(詳細用戶個人資料可於Yahoo!Pulse更新或編輯)

此刻心情、重要事件及相關BLOG友

升級後,原有每篇文章中的「心情」、「相關BLOG友」及「重要事件」設定將會不再適用

Blog標題、簡介及背景

升級後,現有用戶需要重設自己BLOG標題、簡介及標題背景圖片,而其他標題設定則不再適用

編輯版面及CSS設定

升級後,現有用戶的所有版面外觀設定(例如背景照片)在升級後或需要重設,部分設定不再適用。而原有的CSS設定則不再適用

人氣BLOG排名

升級後,新平台將不再提供「昨日人次」及「今日瀏覽」的紀錄

自定欄位/組件

升級後,現有用戶的「自定欄位」,如音樂播放器或已插入的影片,又或者「組件」如書籤等設定亦將不再適用

***********************************

oh shit! 佢冇哂呢d野, 咁同重新開始過有咩分別??
我覺得最重要果2個係編輯版面及CSS設定同自定欄位/組件
冇左呢2個真係一個好大既致命傷
因為我真係會好鐘意執靚個blog,
不過你依家冇得比我執

好彩我係最後一句見到

全新Yahoo!BLOG在未來日子將會陸續推出更多服務及功能:

  • 留言版 - 現有用戶的留言將會全部保留,直至功能推出可再於全新平台上瀏覽
  • 黑名單 - 現有用戶已設定的黑名單會全部保留至新平台,直至功能推出後可以再更新名單
  • 自訂CSS
  • 更多應用程式 - 例如自訂欄位/組件等

有關詳情請留意我們日後於全新平台上的公告

安慰少少!

我起初以為佢係試的, 如果唔轉的可以唔轉
可惜唔係

於「試用期」結束後,升級過程會進入第二階段,屆時現有用戶將不能再在舊BLOG平台上更新網誌(只限閱覽) ,而我們會開始提醒仍未升級的用戶選擇即時升級。而在整個升級過程的最後階段,我們會把所有仍未選擇升級的香港Yahoo!BLOG內容及檔案全部升級至新平台。升級?我現在的BLOG將會怎樣了?

現有香港Yahoo!BLOG用戶於升級後,所有BLOG文章內容及相片檔案也會移動保留至全新平台。簡單來說,現有用戶自己BLOG的基本內容在升級後不會有所變更,只是將會繼續以全新介面來使用我們的BLOG服務

試用期後, 我們會被迫升級
者係就算你唔想, 佢都會迫你升級, 之後舊blog唔用得!!!!!!!!!!!

所以我覺得新blog 好定舊blog 好, 都唔到我地話事
一係你就轉平台, 咁應該係最快既選擇
係呢個試用期入面, 都係好好enjoy 最後呢2個月舊version 吧~
其實我係驚, 因為咁冇哂d blog 友ja
blog 友仔, 你地要轉平台一定要打係blog 呀.......