小車: 9月 2010

2010年9月30日星期四

海洋公園 - 2010 Halloween

2010-9-25

yeah~ 又到一年一度既OP halloween喇~

今年係op既十週年halloween, 佢當然有幾大搞幾大喇!
雖然都已經唔係第一年去喇!
不過今年去得最多鬼屋呀~! 去左5個呀~
今年total有8間鬼屋
彭氏兄弟之童眼 Pang Brothers' Child's Eyes

幽靈遊樂園 Terror Park

喪屍反擊戰 Zombie Hunt

「粵」夜驚魂 Haunted Tales of Guangdong

巫術高校 Black Magic Academy

熱舞吸血城 Fang Club

哈囉喂十年回魂館 Museum of Horrors

一人火葬場 Burned Alive

佢4點半先比入, 我地4點就到lu
早左就係門口影下相喇! 好鐘意果個panda 頭呀
可惜太貴呀~ 成$65呀~

因為佢halloween得夜場, 4點半先可以入去!
但因為panda 館5點就關門, 所以4點半就衝入去喇
(ps, 多謝陪我一齊衝的朋友們)

好彩panda館係係大門口附近者~
之後仲去咪未去過既亞洲動物館! 睇小熊貓!
不過一去到就見到佢係到屙c
(我當然唔會影佢屙c咁變態, d人係到大叫又勁影, 大佬, 你唔屙c架?)
係咪小熊貓屙c都屙得可愛d架呢?

好開心可以同熊貓合照呀! 雖然係假既
終有一日我係可以抱真既熊貓影相架諗下都開心~

行下影下, 5點幾lu, d鬼屋開始開喇!
雖然個天都仲係鬼咁光~
鬼屋入面黑咪得lor~ 哎呀, 成3-4年冇唻過, 第一個都係好驚呀~
我地第個一玩既係 <<喪屍反擊戰>>
你有一支槍, 係用唻射"燈?"既~ 咁就有分喇!
當然我咁驚又點會有分.....
haha~ 勁好笑, 我係無論隻鬼既心口有冇'燈'我都會射佢架
不過佢地係打不死的, 你射佢, 佢咪又嚇你之麻

之後我地就搭左海洋列車上山喇!
因為山上面既鬼屋多D! 仲係彭氏果個係山上面!
好鬼快既海洋列車呀! 仲快過吊車, 第一次感覺唔錯~
最岩趕時間既人類~ 鬼係唔洗搭架~

我地就立即去走圍行下~ 本打算去海洋館hea下~
點知行行下, 見到有鬼屋唔洗排隊
(日光日白d人都未入園, 梗係冇人喇)
<<「粵」夜驚魂>>
其實呢個都幾驚架~ 點解呢? 因為係好中國feel架~
佢好多位都係估唔到架~ 而且因為冇人玩, 我地慢慢行
又冇鬼趕, 佢又有時間慢慢嚇....haha
不過因為佢有d係室外既關係, 我地日光日白玩已經冇咁驚架喇~
只係好在唔洗排隊, 如果入夜, 我諗排死我地~
(一個排一個鐘, 仲唔死?)

驚完一輪, 要休息一下先
去食下野, 坐下摩天輪先!.........唔知係咪因為睇完果部戲
我一路搭佢一路升我一路驚, 搞咩? 我以前都唔驚架...

hea完一輪, 又係時候再挑戰喇!
今次去預左排勁耐既彭氏<<童眼>>

我地排左9個字..........岩岩坐完, 仲有力去排
終於到我地入喇,
唔知係咪因為太多人呢? d鬼係咁趕我地行快d
我地又因為前面果個行快左, 而行快d
再加上個館本身細, 所以好快就行完
我地轉左2-3個彎就到出口...."下? 玩完喇?

"
我雖然驚, 但都有睇路架, 佢d場景的確係幾靚
不過唔係真係好特別ja wor~
(冇時間就唔好排喇)

呢一個絕對係推介! 我覺得排左一個鐘係值得架!
雖然我地排到媽媽聲
<<幽靈遊樂園>>
只係睇佢個outlook就已經夠正喇!
我覺得佢係咁多個最有心思既一個, 好有heart既作品!
入面好大, 你會覺得自己真係好似去左遊樂場咁
d 場景好靚! 佢仲有野玩tim, 佢會比張card你嘟下
(咁當然, 我又當佢係靈符咁係咁嘟d真鬼喇)
睇得出佢d鬼都好有心思架, 不過我就玩得好開心
因為中間有一隻都唔知係咪鬼...跳出唻tum得我鬼咁開心
就因為佢我就忘記左驚lu (又可能玩得多, 開始麻目左)

玩完真係好鬼累呀大佬, 快d去行下喇
點先可以又坐, 又慳時間呢
答案就係搭巴士返落山喇~

去門口搭888去返大門口先!

一返入去, 當然就係爭取時間鬼屋喇! (唔洗點排)
<<哈囉喂十年回魂館>>
佢係以博物館咁樣! 將d 十年既經典重現!
呢個幾ok, 因為我唔係年年去唔知有咩經典
不過就好大, 諗下諗下, 應該都有十個場景以上~

最後一個玩既就係
<<熱舞吸血城>>
其實聽個名就知佢係流架喇! 見佢唔洗點排咪行下lor~
我仲可以好開心tim haha~ 玩左到kaka笑~
不過最後一part, 佢要求男女要分開玩
好彩唔係我同佢2個人去, 唔係我一定唔係行係跑出去....

出門口前見到呢個, 其實入唻果時已經見到
不過佢個titil真係好得人驚
<<一人火葬場>>
真係要你一個玩架, 係要你一個人訓係一個官材入面~
但你都估唔到, 有好多人排隊, d人真係大膽, 自問真係冇吉屎!

HAVING FUN~ C U NEXT YEAR~

累到par街

2010年9月27日星期一

升降凶間 (Devil)

在一幢辦公大樓，五個人被困在升降機中，封閉狹窄的空間令眾人逐漸陷入恐慌及歇斯底里，互相猜忌、爾虞我詐，甚至殺人自保！但他們並不知道，來自地獄的魔鬼，原來早已在升降機內恭候……

平時叫我睇鬼戲真係有難度...
但今次我竟然主動要求要睇!
全因為預告是"5人乘搭,變6名乘客,再變成7具死屍"

5個人搭, 你見到喇, 就係呢5個搭客...
其實因為我冇睇故事大綱果D就去睇, 所以我一直都以為係鬼戲
但其實唔係! 英文已經好明顯.係講DEVIL, 者係魔鬼咁解!
車, 咁都唔係好驚者! haha
(ps, 但我比the record 2 個trailer 嚇到我, 好鬼驚呀~)

講返devil先, 點解係"5人乘搭,變6名乘客,再變成7具死屍"?
因為係戲入面, 除左lift入面d人會死, 出面既人都會! 講完
再講就會講到戲情喇! 不便詳說

其他部戲都幾反映到人性既真面目!
人人互相猜忌、爾虞我詐, 不過呢個都係環境迫成架者!
係一個逼少既空間入面, 一個又一個既受害死亡
人心慌慌! 冇一唔係進入左自我保護system架喇~

而呢一個都係devil既目的! 佢希望睇到你地自相殺害就最開心!
每一次devil都會係黑暗既環境下行動, 見的就係要咁者!

其實部戲係冇咩呼吸既空間架, 戲得80分鐘
十分鐘之後就開始入lift
之後一個又一個咁被殺~ 每一次dim 燈, 你都會好驚
因為你就好似入左lift一樣, 只聽到尖叫聲, 殺人聲
唔知道每一次再開眼會見到邊個死左~

devil 殺既全部都係壞人, 點解呢? 唔係唔係應該devil 殺好人架咩?
點解佢會做左god既角色幫手殺D壞人呢?
呢個就係唯一一個我諗唔通既地方!!!

2010年9月24日星期五

生化危機3D：戰神再生 (Resident Evil: Afterlife 3D)

故事大綱:

經過東京毁滅性一戰後，Alice（米娜祖華域芝　飾）駕駛小型飛機遠赴阿拉斯加，在這片世上唯一一處未被變種病毒蹂躪的冰凍荒原上搜尋生還者，卻只碰到昔日戰友Claire（艾莉拉特　飾），她離奇地記憶全失，但却導引Alice前往頹垣敗瓦的洛杉磯尋找絕命真相。在一片死寂廢墟中，她們遇上各種擁有超能力的新型喪屍以及最後的倖存者。隨着Claire漸漸恢復記憶與超強戰鬥力，Alice竟發現背後隱藏着一個恐怖至極的驚天大陰謀！Alice與Claire必須再次展開連場激戰，揪出幕後黑手，誓要殺出重圍！

唻到第4集, 果然都係一貫既生化危機,
雖然故事情節欠缺, 但好明顯今集係玩3D為主架喇!
Alice依然都係好勁, 佢亦都有少少跟上一集既情節
一開始出現左好多copy alice, 因為係上一集係講copy alice既~

以另外2個主角都係上一集既角色,
令我一開始就可以投入電影入面.....唔洗追咁多野喇!

我覺得今集好似唔係好多喪屍咁既........係有打過, 不過就唔係好多
打鬥既鏡頭係有, 有d都幾驚嚇tim~
以上呢一幕, 其實係有少少唔合情理架
點解咁講? 你都見到喇, alice係比一ja 喪屍圍住, 佢又得2支槍
以果d 喪屍係唔會走去咬佢架wor, 仲開一條路比佢行tim
anyway, 都係劇情需要者!